Kabar Sunda.com-Bumi Hejo mangrupakeun salah sahiji tempat rekreasi nyalse di wewengkon Kabupatén Bandung Barat. Ieu tempat perenahna di lelewek padumukan Kota Baru Parahyangan, Padalarang.
Bumi Hejo jadi salah sahiji destinasi anu teu ngan saukur méré hiburan tapi ogé edukasi. Satuluyna tempat ieu ogé nawarkeun kagiatan narik kayaning kuliner, diajar gaya hirup zero waste, nepika rekreasi.
Dipiwanoh Bumi Hejo mangrupakan area anu dilengkepan ragam fasilitas narik keur méakeun mangsa pakancian reujeung kulawarga. Tempatna mibanda sajumlah tenant kadaharan anu bisa ngogo létah.
Lian ti éta hidangan anu ditawarkeun di lelewek kuliner ieu ogé variatif mimiti tina kadaharan lokal nepika kadaharan internasional. Padeugdeug anu mawa budak ogé bisa ngajak ulin kayaning panyéwaan skuter atawa momobilan.
Tempatna ogé ramah keur leuleumpangan jeung sato piaraan lantaran ngusung konsep pet friendly. Samentara éta, tempat rekreasi ieu geus resmi dibuka ti Juni taun 2023 kalarung.
Bumi Hejo nawarkeun sajumlah daya tarik anu bisa dipinikmat ku para wisatawan. Tempat ieu ogé jadi spot favorit kulawarga keur minikmat suasana nyalsé atawa nongkrong reujeung barudak tur asupna gratis.
Daya tarik utama tina tempat ieu tangtu areana anu lega keur nyalsé jeung minikmat kuliner nikmat. Pajugjug ogé bisa nyéwa skuter listrik keur kukurilingan di sabudeureun éta lelewek.
Lokasi wisata ieu ogé mindeng jadi spot acara atawa kagiatan narik kayaning bazzar jeung sajabana. Pajugjug ogé bisa minikmat hiburan live music anu remen minton di salah sahiji area Bumi Hejo.
Salian ti éta, padeugdeug ogé bisa mawa sato piaraan leuleumpangan di sabudeureun Bumi Hejo. Sarta minikmat sajian kuliner mimiti tina kadaharan khas Indonesia nepika kadaharan Internasional.
Pikeun wisatawan anu resep ulin skateboard atawa inline skate bisa minikmat aktivitas éta di Bumi Skate Park lokasina masih salelewek jeung Bumi Hejo. Pajugjug bisa mayar tiket asup sakitar Rp 35 rébo dina poé biasa jeung Rp 45 rébu ahir pekan. (net/KS)
