Bahaya Judi (online)

KabarSunda.com-Internet geus karasa manfaatna keur kahirupan manusa. Salian urusan informasi nu leuwih gancang diterima, komunikasi nu gancang antarmanusa, oge urusan pagawean rek timana wae bisa. Sekola, seminar, oge rapat-rapat pausahaan atau pemarentahan geus pakai internet. Internet geus jadi kabutuhan dasar manusa. Aya ukuran mangrupa indeks nu ngukur kamajuan nagara atau bangsa dina ngagunakeun internet. Internet oge pernah dipuji bakal ngawujudkeun demokrasi (pamarentahan pilihan rahayat) nu leuwih alus. Tapi internet oge nyababkeun usaha koran-koran jeung majalah cetak eureun, TV jeung radio beuki turun pamirsana. Manusa leuwih loba ngobrol dina layar tibatan paamprok jonghok. Internet geus ngarobah kabiasaan manusa dina sagala rupa widang kahirupan.
Pausahaan raksasa global nu modalna leuwih gede jeung leuwih gancang nangkep peluang, rek tina browser, nyimpen data (teknologi cloud computing) oge aplikasi lianna jadi dominan atawa malah monopoli. Aplikasi pagaulan oge obrolan nu dipake ku milyaran manusa dicepeng ku hiji dua pausahaan. Aya nu digratiskeun aya nu kudu mayar. Tapi rek gratis atawa mayar ku lantaran geus jadi kabutuhan loba nu teu ngamasalahkeun, kumaha kamampuhna.
Internet ku lantaran geus disambungkeun kana telepon seluler nu dicepeng ku masing-masing geus teh bisa kakontrol. Masing-masing jalma bebas rek ningali atawa akses kana rupa-rupa informasi. Ku lancaran teh kakontrol, aplikasi pagaulan nu tadina keur ngadeukeutkeun manusa, ayeuna geus jadi tempat nu bahaya. Loba barudak nu dijebak atawa wawuh tina aplikasi jadi korban rupa-rupa kajahatan.
Nu matak geunjleung sa nagara ayeuna perkara judi (online) disingkat judol. Judi dina ajaran agama disebutkeun haram oge dilarang ku aturan nagara. Ku lantaran haram oge dilarang ku nagara, judi jadi susulumputan. Di jaman internet ayeuna judi jadi leuwih gampil diakses lantaran sadia judi online. Saha wae nu terhubung ka internet jeung kagoda, bisa ngiluan judi online ti mimiti puluhan rebu rupiah tepi ka puluhan milyar rupiah. Taun 2024, jumlah nu kaseret kana judi online geus 8 juta jalma ti mimiti budak nepi ka kolot. Duit nu kasedot muter dina judi online 900 trilyun rupiah.
Judi online matak nyandu, bisa beak harta banda, lain nu sorangan wae, bisa nu indung bapa atawa dulur. Lantaran moal aya pamaen judi nu meunang (bisa wae sakali meunang keur pamancing saterusna mah tara), ngan bandar nu meunang terus. Nu geus nyandu geus poekeun. Tina awalna susuganan meunang deui, lila-lila mah teu bisa eureun. Sagala harta banda dijualan, kadang teu aya nu nyesa. Salian meakeun harta banda oge ngabahayakeun jiwa. Rumah sakit jiwa nambahan pasien nu kacanduan judi online. Pecandu judi online jadi stres, teu gaul, teh produktif, jeung males baranggawe, bisa malah kana narkoba supaya tetap tahan (teh sare) maen judi. Kondisi psikologisna matak ngabahayakeun diri jeung kulawargana. Hayu urang berantas judi (online) jeung sagala rupa bentukna.